सहकारी विभागले मिति २०८२/०३/३२ गते जारी गरेको ‟सहकारी संघ/संस्थामा सुशासन प्रवद्र्धनको लागि एकीकृत निर्देशन २०८२” सम्बन्धी अन्तरक्रिया कार्यक्रम सम्पन्न

मिति २०८२ भाद्र १९ गते, भक्तपर जिल्ला बचत तथा ऋण सहकारी संघ लि.को द्धारा आयोजित सहकारी विभागले जारी गरेको एकीकृत निर्देशन २०८२ विषयक अन्तरक्रिया कार्यक्रम संघको सदस्य संस्था भक्तपर बचत तथा ऋण सहकारी संस्था लि., च्याम्हासिंहको सभाहलमा सम्पन्न भयो ।
संघका अध्यक्ष कृष्णगोविन्द लाखाजूले संघमा आवद्ध सदस्य संस्थाहरुलाई निर्देशनको बारेमा सूसूचित गर्ने उद्धेश्यका साथै एकीकृत धारणा बनाउनको लागि कार्यक्रम आयोजना गरिएको बताउनुभयो । संघले एक सदस्य एक सहकारीको विषयमा वकालत गर्दैै आइरहेको बताउनुभयो । सहकारी दोहोरो सदस्यताले विग्रेको नभई संस्थाका संचालकहरु बदमास भएर नै सहकारी संस्थाहरुमा समस्या आएको कुरा बताउनुभयो । सहकारी संघ संस्थाका संचालक नै दुई कार्यकाल भनेर निर्देशन आएकोमा संघहरुको लविंग पश्चात अध्यक्ष, उपाध्यक्ष, सचिव, कोषाध्यक्ष र लेखा सुपरिवेक्षण समितिका संयोजकको हकमा दुई कार्यकाल बस्न पाईने प्रावधान आएको बताउनुभयो । संघमा रहेको सहकारी संस्थाको बचत मौज्दातलाई तरलता गणना नगरिएको विषयमा पनि संघले लविंग गर्दै आएको बताउनुभयो । तेस्रो पक्षको धितो नलिनु भन्ने विषयमा म्याद थप्नुपर्ने धारण राख्नुभयो । कार्य क्षेत्र भित्र व्यवसाय गरेकोले मात्र ऋण लिनपाइने विषयका साथै संघ संस्थाको तरलता १५ प्रतिशत नपुगेमा लाभांश वितरण गर्न नपाइने अन्यथा संचालक र व्यवस्थापकले दामासाहीले तिर्नुपर्ने प्रावधान रहेको बताउनुभयो । नेपालको संविधानमै सहकारी संघ संस्थालाई संघीयले मात्र नियमन गर्ने भन्ने व्यवस्था रहेको र सोही व्यवस्था अनुसार संघीयले मात्र नियमन गर्नुपर्ने विचार राख्नुभयो ।
उक्त कार्यक्रममा संघका उपाध्यक्ष हरिकृष्ण बल्लले स्वागत गर्दै संघमा आवद्ध सहकारी संस्थाहरुलाई सहकारी विभागबाट जारी भएको एकीकृत निर्देशनबारे सूसूचित गर्न अन्तरक्रिया कार्यक्रम आयोजना गरिएको बताउनुभयो । साथै निर्देशनले सहकारी संस्थालाई सही दिशामा दोहो¥याउने र सहकारी संस्थालाई मर्यादित बनाई सुशासन प्रवद्र्धन टेवा पु¥याउने भएकोले जारी निर्देशन प्रति सकारात्मक हुनुपर्ने विचार राख्नुभयो ।
संघका प्रमुख कार्यकारी अधिकृत बालकृष्ण धोजूले सहकारी विभागले जारी गरिएको एकीकृत निर्देशन, २०८२ विषयको प्रस्तुती गर्नुभयो । उहाँले नेपाल राष्ट बैंक, राष्टिय सहकारी नियमन प्राधिकरण, सहकारी विभाग, सहकारी तथा गरिबी निवारण मन्त्रालय बागमती प्रदेश लगायत नियामकीय निकायबाट जारी निर्देशनहरु दोहोरिने र एक आपसमा बाझिने समस्या भएकोले एकद्वार प्रणालीबाट मात्र निर्देशन जारी गरी कार्यान्वयनमा सम्बन्धित सम्पूर्ण नियमनकारी निकायले पहल गर्नुपर्ने बताउनुभयो । उक्त कार्यक्रममा संघमा आवद्ध सदस्य संस्थाहरुबाट र संघका पदाधिकारी एवम् कर्मचारीहरु समेत गरी १०७ जनाको सहभागीता रहेको थियो । उक्त कार्यक्रम संचालन संघका अधिकृत कृष्णश्वरी ह्यौंमिखाले गर्नुभएको थियो ।